Moe mottok prisen under Ryfylkealliansens samling, Arena Ryfylke, i Sauda. Prisen går til ein person som har bidrege til ei positiv utvikling i og for Ryfylke. Moe får mange heiderlege ord frå juryen, som engasjert, raus, kunnskapsrik, inkluderande og ein framifrå mentor.
Glad mottakar
– Eg vart overraska, eg må seia det. Det er veldig kjekt å kjenna at ein blir verdsett.
Å bli lagt merke til og å få eit slags kvalitetsstempel på arbeidet som er lagt ned, betyr mykje for Moe, som driv Mo Laksegard i Sandsbygda.
